मेरो माया!

तिमी र म, म र तिमी, यत्ति मै पनि माया देख्थे,

कथा हरु बुन्थे, कबिता कोर्थे,

मायामा अरु के के नै गरिंन्छ र !

निन्द्रा नलाग्ने,

खाना नरुच्ने र पढ्न मन नलाग्ने,

यस्तो केहि पनि भएन,

तर पनि त्यो माया नै हो जस्तो लाग्छ!

म हरेक पटक निद्रा को पर्खाईंमा हुन्थे,

हरेक पटक मेरो सपनामा उसको सहभागिता हुन्थ्यो,

त्यसैले त मेरो सपना पनि उ नै थिई,

हरेक पटक जब भोकले सताउथ्यो,

मैले उ संग बाड्न चाहेको चाउचाउको नुनको स्वाद म हरेक खानामा पाउथे,

खाना त्यसै रुच्थ्यो,

उ हरेक कथा कि प्रेरणा हुन्थी र हरेक कबिताकी सर्जक,

उसले बोल्ने हरेक शब्दहरुमा म मिठास पाउथे,

त्यसैले सायद मैले बोल्ने हरेक शब्दमा उसको मिठास मिसाउन कहिल्यै बिर्सिन,

उसको नटखट स्वभाव र उसको मुस्कान,

सायद हरेक बालकले त्यो सुन्दरता उसैबाट सिके,

र त हरेक बालकमा म उसलाई देख्छु,

सायद यही हुन्छ होला माया मा !

उसले स्थिर बनाएका आँखाहरुले,

केवल उसलाई मात्र हेर्न सिके,

अनि उसको सुन्दरताले हरेक बस्तुको र व्यक्तिको सुन्दरता हेर्न सिकायो|

माया छालाबाट सुरु भएर मन सम्म पुग्छ अरे,

तर मलाइ भने उसको छालाको सम्झना सम्म पनि छैन,

न नै मैले उसको रंग सम्झेको छु,

न नै उसको छालाको सुन्दरता म मा झल्किन्छ,

जुन कुरा ले मेरो अस्तित्व उ संग गासदैन,

त्यो कुरालाई कसरी मायासंग गास्नु !

 

सायद मुस्कान बाट सुरु भयो,

हाम्रो माया,

वा सुरु भयो आँखा बाट,

त्यो गहिराई बाट जहा, मैले आफुलाई हेर्न सिकें,

उसको मिठो बोली र सहृदयी भावबाट,

जसरी ममता बाट माया सुरु हुन्छ, हो त्यसै गरी,

प्रश्न हरु र उत्तर हरु बाट, उसका कापी र कलम हरु बाट,

हरेक क्लासवर्क र होमवर्क हरुबाट,

सरको पिटाइबाट,

एसेम्बलीमा संगै बसेका स-साना समयका बियाहरुबाट,

झाँगिएको घर छेउको घन्टीफुल जस्तै बन्ने गरि,

हरेक साँझ ओइलाएर फेरी नया बिहान नयाँ कोपिला,

र सुन्दर फुल बन्न उत्साहित भए जस्तै गरि,

सायद उसको र मेरो माया सुरु भयो!

 

मायाले सधै मुस्कान खोज्थ्यो,

र मायाले सधै मुस्कान दिन्थ्यो, अनि खुसि पर्याय भएर आउथ्यो,

पिडा पनि हुन्छ र प्रेम मा ?

होईन होला ?

सायद प्राप्ति मा हुन्छ, आशामा हुन्छ, आवश्यक्तामा हुन्छ !

तर मायामा त भेटिन मैले, प्रेममा त भेटिन,

भेटे त केवल उत्साह,

आफ्नो खुसिको र उसको खुसीको,

प्रेरणा भेटे, प्रखरता ल्याउने ब्यबहारमा,

निखारता ल्याउने बिचारमा,

अनि बिस्वास भेटे, सधै मायालाई माया संग जोडीराख्ने !

 

स्फटिक जस्तै लाग्थ्यो हाम्रो माया,

प्यारो, पुस्ट, पूर्ण र पारदर्शी,

अनि अमुल्य,

सफा र सुन्दर,

कुनै आग्रहबाट टाढा,

कुनै आवेग बाट टाढा,

कुनै समबेदनाबाट टाढा,

कुनै आशाहरु बाट टाढा,

कुनै वासना बाट टाढा,

विशुद्ध,

माया मात्र भएको,

मेरो माया !

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s